“Apple” компани ирэх жил эвхэгддэг ухаалаг утас үйлдвэрлэх үү?

Б.Бадамзул

Анд нөхдийн мэдээ

2025-06-20

АНУ-ын технологийн “Apple” компани ирэх жил эвхэгддэг “iPhone” ухаалаг утас үйлдвэрлэхээр төлөвлөж байгаа тухай “TF International Securities” байгууллагын шинжээч Мин-Чи Күо мэдээлэв. Тэрбээр тус компанийг найман сая ширхэг эвхэгддэг гар утас үйлдвэрлэх төлөвлөгөөтэй хэмээсэн бөгөөд өндөр үнээр худалдана гэж таамаглажээ. “Apple” компанийн бизнесийн тал илүү хувь нь “iPhone” гар утаст суурилж, ихээхэн ашиг авчирдаг байна. Тухайлбал, өнгөрөгч 2024 оны санхүүгийн жилд гар утасны борлуулалтаас 201 тэрбум долларын ашиг олжээ. Одоогоор Хятадын “Huawei”, Өмнөд Солонгосын “Samsung” компани аль хэдийнэ эвхэгддэг ухаалаг утас үйлдвэрлээд зах зээлд борлуулж байгаа билээ. Гэхдээ ийм загварын гар утсыг хүмүүс түгээмэл хэрэглэхгүй байгаа буюу өнгөрсөн жил дэлхий даяар худалдаалсан нийт ухаалаг гар утасны 1.5 хувь нь эвхэгддэг загвартай байжээ.